“O‘zbekgeofizika” AJ: Ustyurt-Aral hududida chuqur izlov-qidiruv qudug‘ida kon-geofizika ishlari yakunlandi
2025-06-05 17:05:00 / Yangiliklar
“O‘zbekgeofizika” AJ tarkibidagi “Amirobod KGE” filialining kon-geofizika otryadi tomonidan Ustyurt-Aral hududida joylashgan Karakalpakiya maydonining 1-sonli izlov-qidiruv qudug‘ida (chuqurligi – 5250 metr) kon-geofizika ishlari majmuasi o‘z vaqtida va yuqori sifatda amalga oshirildi.
Ishlar zamonaviy, yuqori haroratga chidamli quduq priborlari yordamida bajarilib, murakkab geologik sharoitlarda ishonchli geofizik ma’lumotlar olinishini ta’minladi.
Olingan birlamchi ma’lumotlar “O‘zbekgeofizika” AJ geologiya bo‘limi tomonidan ilmiy asosda talqin (interpretatsiya) qilindi va natijalari bo‘yicha buyurtmachiga xulosa taqdim etildi.