Qozog‘iston qurilish va sanoat vaziri o‘rinbosari boshchiligidagi delegatsiya bilan uchrashuv o‘tkazildi
2025-06-24 17:45:00 / Yangiliklar
2025-yil 24-iyun kuni Tog‘-kon sanoati va geologiya vazirligida vazir o‘rinbosari R.Yusupov, vazirlik mutasaddilari hamda Qozog‘iston qurilish va sanoat vaziri o‘rinbosari I.Sharxan boshchiligidagi delegatsiya vakillarining uchrashuvi bo‘lib o‘tdi.
Dastlab, xorij tomoni Toshkentda o‘tayotgan Minex Central Asia 2025 forumining yuqori darajada tashkil qilingani, bu esa O‘zbekistonda geologiya va konchilik sohasiga katta e’tibor berilayotganidan darak berishini taʼkidladi. O‘z navbatida, R.Yusupov O‘zbekiston va Qozog‘iston do‘stona aloqalari rivojlanayotgani, tog‘-kon sanoati va geologiya sohasida ham hamkorlikni mustahkamlash, ushbu yo‘nalishda amaliy ishlarni jadallashtirish muhimligini qayd etdi.
Uchrashuvdan keyin mehmonlar Geologiya fanlari universiteti va “Geologiya muzeyi” DM ekspozitsiyasi bilan tanishdilar.