Davlat xaridlarida korrupsiyaning oldini olish
2025-05-15 12:00:00 / Yangiliklar
Transport vazirligi Korrupsiyaga qarshi kurashish bo‘limi tomonidan “Toshkent metropoliteni” DUK xodimlari ishtirokida davlat xaridlarini amalga oshirishda qonunchilik me’yorlariga amal qilinishi ta’minlash masalalariga bag‘ishlangan yig‘ilish o‘tkazildi.
Davlat xaridlari byudjetdan ajratilgan mablag‘larni maqsadli va raqobatli usulda shaffof ishlatilishi bilan bog‘liq jarayondir. Davlat buyurtmachilari bo‘lgan davlat boshqaruvi organlari va xo‘jalik birlashmalari rahbarlari zimmasiga davlat xaridlarini amalga oshirishda sohaga oid qonunchilik hujjatlariga qat’iy rioya etilishi, shuningdek, davlat xaridlarining ochiqligi va shaffofligini ta’minlash uchun shaxsiy javobgarlik yuklatilgan.
Yig‘ilishda O‘zbekiston Respublikasining “Davlat xaridlari to‘g‘risida”gi qonuni va boshqa sohaga oid qonunchilik hujjatlari ijrosi ta’minlanishi va qonun buzilishi, uning kelib chiqish sabablari hamda bunga imkoniyat yaratib berayotgan shart-sharoitlarni bartaraf etish xususida so‘z yuritildi.