Yuridik xizmat xodimlari bilan yig‘ilish o‘tkazildi
2025-05-20 11:00:00 / Yangiliklar
Transport vazirligi Yuridik bo‘limi va Korrupsiyaga qarshi kurashish bo‘limi tomonidan vazirlikning idoraviy mansub tashkilotlari va Qoraqalpog‘iston Respublikasi Transport vazirligi, viloyatlar va Toshkent shahri transport boshqarmalari yuridik xizmat xodimlari tomonidan qonunchilik hujjatlari talablari buzilishini oldini olish hamda ular bo‘yicha o‘z vaqtida tegishli choralar ko‘rilishini ta’minlash masalalari yuzasidan yig‘ilish o‘tkazildi.
Yig‘ilishda yuridik xizmat xodimlari tomonidan tashkilotning yuridik tusdagi hujjatlar loyihalarini qonunchilikka muvofiqligi yuzasidan ekspertizadan o‘tkazishdagi kamchiliklari, qonunchilik hujjatlari buzilishi holatlari aniqlangan taqdirda bartaraf qilishdagi muammolari, shuningdek, korrupsiyaga qarshi ekspertizasi amalga oshirilishini tashkil etishdagi masalalar hamda yuridik xizmat xodimlariga yuklatilgan boshqa vazifalaridagi holatlar o‘rganilgan aniq tahliliy ma’lumotlar asosidan tanqidiy ko‘rib chiqildi va zarur tegishli chora-tadbirlar belgilandi.
