Pekin transport universitetida O‘zbekiston – Qirg‘iziston – Xitoy temir yo‘li qurilishiga bag‘ishlangan xalqaro seminar bo‘lib o‘tmoqda
2025-06-18 14:00:00 / Yangiliklar
Xalqaro seminarda O‘zbekiston va Qirg‘iziston transport vazirliklari, temiryo‘l ma’muriyatlari hamda yetakchi transport oliygohlari vakillari ishtirok etishmoqda.
Tadbir temiryo‘l qurilishi sohasidagi strategik hamkorlikni mustahkamlash, xalqaro tajriba almashish va logistika tizimi samaradorligini oshirishga qaratilgan.
Mazkur nufuzli tadbirda Toshkent davlat transport universitetining 8 nafar professor-o‘qituvchilari qatnashib, mintaqaviy transport infratuzilmasini rivojlantirish, ilg‘or texnologiyalar almashinuvi va yuqori tezlikdagi magistrallarni loyihalash kabi dolzarb yo‘nalishlar bo‘yicha muhokamalarda faol ishtirok etmoqda.
Seminar dasturi ikki haftaga mo‘ljallangan bo‘lib, tematik sessiyalar, texnik tashriflar, shuningdek, uch davlat transport universitetlari o‘rtasidagi qo‘shma ta’lim va ilmiy tashabbuslarni muhokama qilishni qamrab olgan.
