"Yashil makon" umummiliy loyihasi doirasida Qiziltog‘ aholi yashash punktida daraxt ko‘chatlari o‘tqazildi
2025-03-16 20:15:00 / Yangiliklar
Bu borada qabul qilingan davlat dasturida ham “Yashil makon” umummilliy loyihasi doirasida kamida 200 million tup manzarali va mevali daraxt hamda butalar ko‘chatlarini, qalamchalarini ekish, 2025-yilda mahallalarning ekologik qiyofasini yaxshilash, ko‘chalarda yashillik darajasini oshirish, respublika bo‘yicha 444 ta yashil bog‘lar barpo etish va barcha shaharlarni to‘liq “yashil belbog‘”lar bilan qamrab olish, shuningdek, har bir yirik sanoat korxonasi hududida va unga tutash hududlarda ham “Yashil belbog‘”larni barpo etish rejalashtirilgan.
Jumladan, Mudofaa vazirligi ham yurtimizni yashil makonga aylantirishda o‘z hissalarini qo‘shishmoqda.
Bugun 16 mart kuni mudofaa vaziri general-mayor Shuxrat Xalmuxamedov boshchiligida Mudofaa vazirligi markaziy apparati harbiy xizmatchilari, Qurolli Kuchlar akademiyasi hamda Chirchiq oliy tank muhandislik-qo‘mondlik bilim yurtining kursantlarini ishtirokida “Yashil makon” umummilliy loyihasi doirasida Parkent tumanidagi "Qiziltog'" aholi yashash punktida ko'chat ekish aksiyasini tashkil etilgani ham aynan ushbu ezgu ishlarning davomi bo‘ldi desak mubolag‘a bo‘lmaydi.
Prezidentimiz tashabbusi bilan keyingi yillarda yurtimizda daraxt ekish umummilliy harakatga aylandi. Xususan, “Yashil makon” umummilliy loyihasi ekologik vaziyatni yanada yaxshilash hamda iqlim o‘zgarishlariga milliy yechim sifatidagi noyob loyiha bo‘ldi.
"Qiziltog'" hududidagi maydonda 1000 tupdan ortiq manzarali va mevali ko‘chatlar ekilib, ularni sug'orish uchun 6 kilometr masofadan buloq suvi tortib olib kelingan.
Mazkur tashabbus bo'sh maydonlarda yashil hududlar barpo etish, aholi va yoshlarning ekologik madaniyatini oshirishga xizmat qiladi.
Mudofaa vazirligi Axborot va ommaviy kommunikatsiyalar departamenti