O‘zbekiston Respublikasi Mudofaa vazirligi

Tadbirda o‘quvchi yoshlar va “Vatan tayanchi” otryad a’zolariga Mudofaa vazirligi faxriylari tomonidan O‘zbekiston xalqining tarixda ko‘rsatgan jasorati, bukilmas irodasi va matonati, insonparvarlik fazilatlari avlodlar uchun muqaddas xotira va odamiylikning yuksak namunasi bo‘lib qolishi lozimligi aytilib, ajdodlarning ko‘rsatgan jasoratlari haqida so‘zlab berildi.

Tadbir davomida Chirchiq garnizoni ma’naviyat va ma’rifat markazining harbiy orkestr jamoasining kuy-qo‘shiqlari, faxriy qorovul jamoalarining saf chiqishlari hamda “Vatan tayanchi” harakati a’zolarining qo‘l jangi usullarini namoyish etilgani, yoshlar qalbida milliy armiyamiz bilan faxrlanish kabi his tuyg‘ularni uyg‘otdi.

Yakunda Mudofaa vazirligi tomonidan maktab kutubxonasi uchun  kitoblar jamlanmalari sovg‘a qilindi.
Mudofaa vazirligi Axborot va ommaviy kommunikatsiyalar departamenti