Samarqand va Navoiy garnizonlarida o‘q otish sporti bo‘yicha musobaqa o‘tkazildi
2025-06-27 17:20:00 / Yangiliklar
Mazkur musobaqaning asosiy maqsadi — yoshlar o‘rtasida ushbu sport turini rivojlantirish, sog‘lom turmush tarzini targ‘ib qilish, jismoniy chiniqqan, ruhan bardoshli, qat’iyatli va Vatanga sadoqatli shaxslarni tarbiyalashdan iboratdir.
Musobaqada ishtirokchilar aniq nishonga o‘q otish bo‘yicha o‘z mahoratlarini sinovdan o‘tkazdilar. Ularning jismoniy tayyorgarligi, diqqat va e’tiborini jamlay olish qobiliyati, shuningdek, tezkorlik bilan qaror qabul qilish ko‘nikmalari alohida baholandi.
Tadbir davomida harbiy orkestr chiqishlari, milliy kuy-qo‘shiqlar va vatanparvarlik ruhi bilan yo‘g‘rilgan sahna ko‘rinishlari musobaqaga yanada o‘zgacha ruh bag‘ishladi.
Musobaqa yakunida g‘olib va sovrindorlar esdalik sovg‘alari, diplom hamda faxriy yorliqlar bilan taqdirlandi.
Markaziy harbiy okrug matbuot xizmati