“Shijoat va g‘ayrat” harbiy-sport musobaqasini final bosqichini g‘oliblari aniqlandi
2025-06-28 11:55:00 / Yangiliklar
Mazkur yig‘ilishda belgilangan vazifalar ijrosini ta’minlash maqsadida O‘zbekiston mahallalari uyushmasi, Yoshlar ishlari agentligi, Davlat xavfsizlik xizmati, Mudofaa vazirligi va Sport vazirligi hamkorligida “Shijoat va g‘ayrat” harbiy-sport musobaqasi tashkil etildi.
Shahar va tuman, undan so‘ng viloyat bosqichida bellashgan 18-22 yosh oralig‘idagi mahalla yoshlari final bosqichida jami 14 ta jamoa bo‘lib bellashishdi.
Qurolli Kuchlar akademiyasining Chirchiq shahridagi o‘quv jarayonini ta’minlash bazasida tashkil etilgan yakuniy bosqich bellashuvlari harbiylashtirilgan shart asosida o‘tkazilib, har bir shart qatnashchilarning intizomi, jamoaviy ishlash ko‘nikmalari va murakkab vaziyatda qaror qabul qilish qobiliyatini sinovdan o‘tkazildi.
Jamoa a’zolari quyidagi musobaqa shartlari bo‘yicha o‘zaro bellashishdi.
1. Jismoniy tayyorgarlik sinovi;
Turnikda tortilish – o‘g‘il bolalar.
Orqa bilan yotgan holatdan tanani ko‘tarish (press) – qiz bolalar.
2. O‘quv granatasini uzoqlikka uloqtirish;
3. Qisqa masofaga yugurish;
O‘g‘il bolalar: 200 metr.
Qiz bolalar: 100 metr.
4. Uzoq masofaga yugurish;
O‘g‘il bolalar: 2000 metr.
Qiz bolalar: 800 metr.
5. AK-74 (avtomatini) to‘liq va noto‘liq qismlarga ajratish va yig‘ish;
6. Merganlar bellashuvi (pnevmatik quroldan o‘q uzish).
Oʻz jamoasi uchun mardonavor kurashayotgan, qalbida vatanparvarlik tuygʻusi joʻsh urayotgan yoshlarning ertangi kunga boʻlgan ishonchi yuksak. Bu ularning shijoatida, intilishlarida yaqqol aks etdi.
Bundan tashqari musobaqa ishtirokchilari “Turnikda tortilish”, “O‘quv granatasini uzoqlikka uloqtirish”, “Uzoq masofaga yugurish bo‘yicha nominatsiya”, “Qisqa masofaga yugurish bo‘yicha nominatsiya”, “AK-74 avtomatini to‘liq va noto‘liq qismlarga ajratish” hamda “Pnevmatik quroldan o‘q uzish” kabi nominatsiya bo‘yicha ham kuch sinashdi.
Musobaqaning tantanali yopilish marosimida mudofaa vaziri o‘rinbosari, O‘zbekiston mahallalari uyushmasi, Yoshlar ishlari agentligi, Davlat xavfsizlik xizmati va Sport vazirligi rahbariyati so‘zga chiqib ushbu musobaqa minglab yoshlarni birlashtirganini ta’kidlab, har bir ishtirokchining kelgusida chinakam Vatan tayanchi bo‘lib yetishishiga ishonch bildirishdi.
Qizgʻin va murosasiz bahs-munozaralar natijasiga koʻra,
3 – o‘rin Toshkent viloyati Angren shahri "Gulbog'" mahallasi yoshlari jamoasi;
2 – oʻrin Samarqand viloyati Kattaqo'rg'on tumani "Sho'rak" mahallasi yoshlari jamoasi;
1 – o‘rin Toshkent shahri Mirzo Ulug'bek tumani "Jasorat" mahallasi yoshlari jamoasi musobaqa kubogi hamda bosh sovrinni sohibi boʻldi.
Faxrli o‘rinlarga sazovor boʻlgan jamoalar hamda nominatsiyalar gʻoliblariga kubok, diplom, va qimmatbaho sovgʻalar topshirildi. Qolgan jamoalar ham hamkor tashkilotlarning esdalik sovg‘alari bilan rag‘batlantirildi.
Tadbirning badiiy qismida Qurolli Kuchlar Markaziy ashula va raqs ansambli va taniqli san'atkorlar ijrosidagi konsert dasturlari hamda harbiy xizmatchilarning ko‘rgazmali chiqishlari barchaga ko‘tarinki kayfiyat bag‘ishladi. Yosh vatanparvarlar yuksak orzular, yangi qarashlar, qatʼiy maqsadlar bilan oʻz viloyatlariga qaytishdi.
Mudofaa vazirligi Axborot va ommaviy kommunikatsiyalar departamenti