Norin tumanida baliqchilik rivojlantiriladi
2025-01-13 12:00:00 / Yangiliklar
Xabaringiz bor, Norin tumanida “Fishville Norin” korxonasi tomonidan davlat - xususiy sherikchilik asosida meliorativ quduq atrofida 3 dona intensiv basseyn sinov tariqasida barpo etilgan edi.
Ushbu tajriba asosida tumanda joylashgan 84 ta tik quduqlarda davlat - xususiy sheriklik asosida super intensiv usulda yiliga 8500 tonna forel baliqlari yetishtirish loyihasi samarali amalga oshirilmoqda.
Yangi 2025-yil boshida Norin tumanida yana bir yirik loyihaga tamal toshi qo‘yildi - "Norinkapa" massivi hududida 2,2 gektar yer maydoni ajratildi.
Bu yerda losos, forel va osotr kabi noyob baliqlar yetishtirishdan tashqari, tuman aholisi va viloyatimiz mehmonlari uchun zamonaviy restoran quriladi.
20 mln. dollarlik ushbu loyihani amalga oshirish natijasida qariyb 150 nafar mahalliy aholi ish bilan ta’minlanadi, tuman budjetiga tushum ko‘payadi hamda hudud rivojlanishiga katta hissa qo‘shiladi.
Tamal toshi qo‘yish marosimida Namangan viloyati hokimi Shavkatjon Abdurazzoqov qatnashdi va yangi loyihaga muvaffaqiyat tiladi.
Shu yerda jonliq so‘yilib, nuroniylar tomonidan ezgu ishga oq fotiha berildi.
Namangan viloyati hokimligi Axborot xizmati.