O‘zbekistonning Tojikistondagi elchixonasida uchrashuv bo‘lib o‘tdi
2025-04-19 13:20:00 / Yangiliklar
Ishchi tashrif bilan Dushanbeda bo‘lib turgan Namangan viloyati delegatsiyasi O‘zbekistonning Tojikistondagi elchixonasi maslahatchisi Zokirjon Mardonov, konsul Olimjon Qosimov, birinchi kotib Fayzullo Inoyatovlar bilan uchrashuv o‘tkazdi.
Zokirjon Mardonov Tojikiston va O‘zbekiston munosabatlarida Namangan viloyatining o‘rni katta ekanligini ta’kidlab, turizm, sanoat, logistika san’at va madaniyat sohalaridagi izchil aloqalarni alohida e’tirof etdi.
Axsikent arxeologiya parki direktori Anvar Ikrom samimiy qabul uchun tashakkur bildirib, Namangan 64-Xalqaro gullar festivaliga katta taraddud ko‘rayotganini uning doirasidagi anjumanlarga hunarmand va tadbirkorlarni taklif etish rejalanganini ma’lum qildi. Elchixona tomonidan turizm targ‘iboti bo‘yicha hududlarda amalga oshirilayotgan tadbirlar sayyohlar oqimini ko‘payishiga xizmat qilayotganini aytdi.
Transport va logistika yo‘nalishida Tojikiston orqali Namangan-Toshkent, Namangan-Samarqand qatnovlarini yo‘lga qo‘yish masalalari muhokama qilindi.
Uchrashuv yakunida «Axsikent arxeologiya parki” hamda Namanganning yetti buyuk allomasi haqida Tojikistonda chop etilgan «Xaft Buzurgi Namangon”kitoblari taqdimot qilindi.