Namangan vilоyati hоkimligi

Yevropa tiklanish va taraqqiyot banki bosh ofisi hamda O‘zbekistondagi vakolatxonasi vakillari “Namangan suv ta’minoti” AJ tizimini modernizatsiya qilish bo‘yicha ajratilgan xalqaro kredit mablag‘lari asosida amalga oshirilayotgan loyihalar bilan tanishish uchun viloyatimizga keldi. 
 
 Delegatsiya AJ direktori bilan uchrashib, qurilishi yakunlangan loyihalar, istiqboldagi rejalar va ularni o‘z vaqtida amalga oshirish yuzasidan fikr almashdi. "Kurashxona" suv olish inshootini rekonstruksiya qilish loyihasi bo‘yicha tender savdolarini yakunlash va qurilish ishlarini boshlashni jadallashtirish zarurligi qayd etildi. 
 
 Shuningdek, qiymati 70 mln. dollar bo‘lgan “Chust, Pop, Namangan tumanlarida ichimlik suv ta’minotini yaxshilash va Chust hamda Mingbuloq tumanlarida kanalizatsiya tizimlarini qurish” loyihasi bo‘yicha tenderlarni tezlashtirish muhimligi ta’kidlandi. 
 
 "Namangan suv ta’minoti" AJ axborot xizmati.