Tadbirkorlar bilan ochiq muloqot: muammo va yechim
2025-04-24 14:05:00 / Yangiliklar
Bugun Namangan viloyati soliq boshqarmasi boshlig‘i Shuhratali Imomovning kichik va o‘rta biznes sohasidagi tadbirkorlar bilan navbatdagi uchrashuvi Namangan tumanida bo‘lib o‘tdi.
Dastavval, soliq qonunchiligidagi tartib va yangiliklar borasida so‘z bordi. Har bir soliq turi bo‘yicha to‘xtalib, imtiyozlar tushuntirildi.
Uchrashuvda 10 ga yaqin tadbirkorlarning murojaatlari qabul qilindi. Ular asosan yer solig‘i, daromad solig‘i, QQS kabi dolzarb masalalar yuzasidan savol va takliflarini bildirdilar. Har bir murojaat alohida tartibda ko‘rib chiqilib, amaliy yechim topish uchun nazoratga olindi.
Eslatib o‘tamiz, viloyat soliq boshqarmasi boshlig‘ining tadbirkorlar bilan uchrashuvlari belgilangan reja-grafik asosida har hafta hududlarda bo‘lib o‘tmoqda.