Davlat tili masalalari bo‘yicha maslahatchilar To‘raqo‘rg‘on tumanining diqqatga sazovor joylarida bo‘ldilar
2025-06-13 14:25:00 / Yangiliklar
Namanganda mehmon bo‘lib turgan Qoraqalpog‘iston Respublikasi Vazirlar Kengashi Raisining, viloyatlar va Toshkent shahar, tuman (shahar) hokimlarining davlat tili masalalari bo‘yicha maslahatchilari bugun To‘raqo‘rg‘on tumaniga keldilar. Ularni tuman hokimi Sherali Qosimov va jamoatchilik vakillari kutib olishdi.
Mehmonlar dastlab buyuk alloma, olim, tarjimon, huquqshunos Ishoqxon to‘ra Ibrat haykali poyiga gullar qo‘yib, uning ruhiga hurmat bajo keltirdilar.
So‘ngra Qatag‘on qurbonlari va Ibrat muzeyiga sayohat qilindi. Bu yerda Ishoqxon Ibrat yashab o‘tgan davr, uning shaxsiy hayoti va ilm-fan, madaniyatni yuksaltirish yo‘lidagi faoliyati, qatag‘on yillari aks etgan eksponatlar bilan tanishdilar.
Davlat tili masalalari bo‘yicha maslahatchilar, shuningdek, Axsikent arxeologiya parkida olib borilayotgan bunyodkorlik ishlari bilan tanishdilar.
To‘raqo‘rg‘on tumani hokimligi Axborot xizmati