“Yangi O‘zbekiston yoshlari, birlashaylik!”
2025-06-26 19:05:00 / Yangiliklar
Yozgi tomoshagohda tashkil etilgan ushbu tantanali marosim minglab yoshlarni bir maqsad atrofida jipslashtirdi. Tadbirda Namangan viloyati hokimining o‘rinbosari O.Bozorov hamda Chortoq tumani hokimi I.Sattarov so‘zga chiqib, yosh avlodni bayram bilan tabrikladilar va ularga ezgu tilaklarini izhor etdilar.
Tadbir doirasida yoshlarga oid davlat siyosati ijrosini ta’minlashda faol ishtirok etayotgan hamkor tashkilotlar vakillari hamda faol yoshlar taqdirlandi.
Kecha davomida Shohrux Ergashev, Abror Do‘stov, Noila Habibullayeva, Kamron Mamadaliyev kabi mashhur estrada yulduzlarining jonli ijrodagi kuy-qo‘shiqlari, shuningdek, 14-sonli musiqa va san’at maktabi o‘quvchilari hamda harbiy qism askarlarining chiqishlari ishtirokchilarga ko‘tarinkilik baxsh etdi.
Gala konsert mushakbozlik namoyishi bilan yakunlandi va barchaga unutilmas taassurotlar ulashdi.
Chortoq tumani hokimligi Axborot xizmati