Shu ma’noda bugun Qurilish va uy-joy kommunal xo‘jaligi vazirligida vazir Sh.Hidoyatov hamda O‘zbekiston Quruvchilar Assotsiatsiyasi  raisi M.Niyozmuhammedov o‘rtasida Hamkorlik memorandumi imzolandi. 

Bu hujjat qurilish sohasida shaffoflikni oshirish, normativ-huquqiy va texnik hujjatlarni takomillashtirish, jamoat nazorati hamda ekspertizasi mexanizmlarini kuchaytirish imkonini beradi.

Ushbu hujjatni qabul qilishdan ko‘zlangan asosiy maqsad:

qurilish va shaharsozlik sohasidagi normativ hujjatlarning amaliy ahamiyatini oshirish;

jamoatchilikni soha rivojiga faol jalb qilish, ularning soha rivojidagi roli va nazorat funksiyalarini kuchaytirish;

qurilish sohasining barqaror va samarali rivojlanishiga hissa qo‘shish.

Endi normativ-huquqiy va texnik hujjat loyihalari ekspertizasida O‘zbekiston Quruvchilar Assotsiatsiyasi bevosita ishtirok etadi.