Unda Mehnat inspeksiyasi, aholi bandligi, kasb-hunarga o‘qitish, mikroloyihalarni rivojlantirish yo‘nalishlari bo‘yicha hamkorlik aloqalarini yanada kengaytirish masalalari muhokama qilindi.

Muloqotda Turkiya tajribasidan foydalangan holda mehnat sharoitlarini baholash maqsadida mobil laboratoriyalar joriy qilish, mehnat inspektorlari malakasini oshirish, inspeksiya faoliyatini raqamlashtirish hamda Kasbiy ko‘nikmalar markazlari o‘rtasidagi hamkorlikni rivojlantirishga kelishib olindi.

Uchrashuvda milliy malaka tizimini rivojlantirish, shu jumladan kasbiy standartlarni ishlab chiqish, o‘quv dasturlarini tayyorlash va malakani baholash bo‘yicha hamkorlikda amalga oshirilayotgan ishlar holatiga ham to‘xtalib o‘tildi.

Yakunda 2025-2026-yillarga mo‘ljallangan vazifalarni o‘z ichiga olgan Qo‘shma chora-tadbirlar rejasi tasdiqlandi.