Uchrashuvda mehmonlarga mamlakatimizda Davlatimiz rahbari tomonidan sport sohasida amalga oshirilayotgan islohotlar, bunyod etilayotgan sport obyektlari, shuningdek, yurtimizda faoliyat olib borayotgan sport maktab va markazlari haqida ma’lumot berildi. 

Bundan tashqari Oʻzbekistonda sport sohasini raqamlashtirish sohasida amalga oshirilgan ishlar va “ERP sport” platformasi haqidagi taqdimot ham oʻtkazildi.  

Shuningdek, ikki mamlakat oʻrtasida sport sohasida hamkorlik aloqalarini yanada rivojlantirish, oʻzaro tajriba almashish hamda qishki sport turlari boʻyicha qoʻshma oʻquv mashgʻulot yigʻini oʻtkazish masalalari muhokama qilindi.