Unda, Polshaning mualliflik jamiyati - ZAiKS bosh direktori Karol Kossinski boshchiligidagi delegatsiyasi, vazirlik markaziy apparati vakillari hamda San’atkor, ijodkor va ijrochilarning mualliflik huquqlarini himoya qilish palatasi ijrochi direktori Baxtiyor Usmanov ishtirok etishdi.

Uchrashuv davomida so‘nggi yillarda O‘zbekiston va Polsha o‘rtasidagi  hamkorlik aloqalari barcha sohalar qatori madaniyat va san’at sohasida ham tobora rivojlanib borayotganligi alohida ta’kidlandi.

Shuningdek,  uchrashuvda, mualliflik huquqlarini himoya qilish bo‘yicha tajriba almashinuvlarini kuchaytirish, Ijodkorlar va ijrochilar huquqlarini himoya qilishda raqamli texnologiyalardan foydalanish, madaniy va ijodiy almashuv dasturlarini yo‘lga qo‘yish, yozuvchilar, kompozitorlar, rejissyorlar, dizaynerlar va boshqa san’atkorlar uchun qisqa va uzoq muddatli kurslar tashkil etish, mualliflik huquqlarini o‘zaro tan olish va litsenziyalash masalalarida maslahatlashuvlar tashkil etish kabi bir qator hamkorlik masalalari ko‘rib chiqildi.

Uchrashuv do‘stona ruhda o‘tdi.