"Bugun biz tarixiy ahamiyatga ega voqeaning guvohi bo‘lmoqdamiz. Ilk bor Mo‘g‘ulistonda “O‘zbekiston madaniyati kunlari” o‘tkazilmoqda. 

Bu muhim voqea ikki davlat rahbarlarining do‘stona va yaqin hamkorligining samarasidir. 

Tadbir madaniy aloqalarni mustahkamlash, xalqlarimiz o‘rtasidagi o‘zaro tushunishni chuqurlashtirish yo‘lida katta ahamiyatga ega. U umumiy tarix, o‘xshash qadriyatlar, san’at va ma’naviyatga bo‘lgan hurmatimizni yanada kuchaytiradi. Shu o‘rinda ta’lim sohasidagi hamkorlikka alohida e’tibor qaratishni istayman. Mo‘g‘ulistonlik san’atkorlar o‘z vaqtida O‘zbekistonda ta’lim olgan. Alisher Navoiy nomidagi O‘zbekiston davlat akademik katta teatri bu yo‘nalishda muhim maydon bo‘lib xizmat qilgan. Mashhur Mo‘g‘uliston xalq artistlari — Ochirjansangiyn Ganbaatar, Dorjiyn Altantuyaa kabi ijodkorlar aynan shu yerda o‘z mahoratlarini oshirgan" 

- deydi O‘zbekiston madaniyat vaziri Ozodbek Nazarbekov uchrashuv davomida.