Mulkchilik shaklidan qat’i nazar, korxonalar va tashkilotlar:

boquvchisini yo‘qotganlik uchun, shuningdek xodimning mehnat vazifalarini bajarishi bilan bog‘liq holda mehnatda mayiblanganligi yoki kasb kasalligiga uchraganligi oqibatidagi nogironlik uchun;

xodim “Fuqarolarning davlat pensiya ta’minoti to‘g‘risida”gi Qonunning 7-moddasida nazarda tutilgan pensiya yoshiga to‘lguniga qadar mazkur Qonun 12-moddasining «b» bandiga muvofiq tayinlangan pensiyalarni to‘lash xarajatlarining o‘rnini qoplovchi pulni ish haqi to‘lashga mo‘ljallangan mablag‘lar hisobidan O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasiga o‘tkazadi.

Pensioner “Fuqarolarning davlat pensiya ta’minoti to‘g‘risida”gi Qonunning 7-moddasida nazarda tutilgan yoshga to‘lguniga qadar ushbu Qonunning 14-moddasiga muvofiq tayinlangan pensiyalarni to‘lash O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasiga ajratiladigan Aholini ish bilan ta’minlashga ko‘maklashuvchi jamg‘arma mablag‘lari hisobidan amalga oshiriladi.

O‘zbekiston Respublikasi Moliya vazirligi, Davlat soliq qo‘mitasi va O‘zbekiston Respublikasi Markaziy banki boshqaruvining (O‘zbekiston Respublikasi Adliya vazirligi tomonidan 2016 yil 3 noyabrda ro‘yxatdan o‘tkazildi, ro‘yxat raqami 2836) Qaroriga muvofiq

Yagona ijtimoiy to‘lovni taqsimlash, shuningdek xarajatlarni qoplash bo‘yicha summalarning to‘lanishini hamda tashkilotlar tomonidan pensiya, nafaqa va boshqa to‘lovlar uchun xarajatlar amalga oshirilishi tartibi to‘g‘risidagi NIZOM

“Fuqarolarning davlat pensiya ta’minoti to‘g‘risida”gi Qonunga muvofiq Pensiya jamg‘armasi xarajatlarini qoplash bo‘yicha summalarni to‘lash.

Pensiya jamg‘armasiga Qonunning 12-moddasi «b» bandi va 14-moddasiga muvofiq, shuningdek xodimlarning mehnat vazifalarini bajarish bilan bog‘liq holda mehnatda mayiblanish va kasb kasalligi oqibatida tayinlangan boquvchisini yo‘qotganlik va nogironlik pensiyalarini to‘lashga ketgan xarajatlarni qoplash Qonunning 66-moddasining ikkinchi va uchinchi qismlariga muvofiq amalga oshiriladi.

Davlat soliq xizmati organlari Qonunning 12-moddasi «b» bandi va 14-moddasiga muvofiq, shuningdek xodimlarning mehnat vazifalarini bajarish bilan bog‘liq holda mehnatda mayiblanish va kasb kasalligi oqibatida tayinlangan boquvchisini yo‘qotganlik va nogironlik pensiyalarini to‘lashga ketgan xarajatlar to‘g‘risidagi Pensiya jamg‘armasi tuman (shahar) bo‘limlari tomonidan taqdim etilgan ma’lumotlar asosida tashkilotlarning shaxsiy kartochkalariga hisoblash kiritadi.

Tashkilotlar har yili 1 fevralga qadar xodim Qonunning 7-moddasida nazarda tutilgan pensiya yoshiga yetguniga qadar Qonunning 12-moddasi «b» bandiga muvofiq tayinlangan pensiyalarni to‘lashga ketgan oldingi yil uchun Pensiya jamg‘armasining haqiqiy xarajatlarini to‘liq qoplaydi.

Agar ko‘rsatib o‘tilgan pensiyalarni to‘lashga oldingi yil uchun Pensiya jamg‘armasining haqiqiy xarajatlari Vazirlar Mahkamasining 2014 yil 23 dekabrdagi 357-son qarori bilan tasdiqlangan «Fuqarolarning davlat pensiya ta’minoti to‘g‘risida»gi O‘zbekiston Respublikasining Qonuniga muvofiq pensiyalarni to‘lashga xarajatlarni qoplash tartibi to‘g‘risidagi nizomning 11-bandiga muvofiq aniqlanadigan qoplash uchun zarur summalarning minimal miqdoridan kam bo‘lsa, qoplash uchun zarur summalarning minimal miqdori to‘lanadi.

Tashkilotlar hisobot oyining 1 fevralidan kechikmagan holda, ular soliq hisobiga qo‘yilgan joydagi davlat soliq xizmati organlariga mazkur Nizomning 1-ilovasiga muvofiq shakldagi hisob-kitobni taqdim etadi.

Pensiya jamg‘armasi tuman (shahar) bo‘limlari har oyda Qonunning 12-moddasi «b» bandiga muvofiq pensiya to‘langan oydan keyingi oyning beshinchi sanasiga qadar tashkilot soliq hisobiga qo‘yilgan joydagi davlat soliq xizmati organlariga axborot-kommunikatsiya texnologiyalaridan foydalangan holda o‘tgan oyda pensiyalarni to‘lashga ketgan xarajatlar haqida ma’lumotni taqdim etadi.

Pensiya jamg‘armasi tuman (shahar) bo‘limlari tomonidan, shu jumladan axborot-kommunikatsiya texnologiyalaridan foydalangan holda, taqdim etilgan pensiyalarni to‘lashga ketgan xarajatlar haqida ma’lumot tashkilotlarning shaxsiy hisob raqamlar kartochkasida mazkur Nizomning 11-bandida ko‘zda tutilgan muddatda to‘lanishi lozim bo‘lgan summa sifatida aks ettiriladi. Bunda hisob-kitob bo‘yicha to‘lanishi lozim bo‘lgan summa to‘langan pensiya summasidan kam bo‘lishi mumkin emas.

Tashkilot soliq hisobiga qo‘yilgan joydagi Pensiya jamg‘armasi tuman (shahar) bo‘limlari har chorakda O‘zbekiston Respublikasi Bandlik va mehnat munosabatlari vazirligi tomonidan taqdim etilgan mehnat shart-sharoitlari va asbob-uskunalarning jarohat yetkazish xavfi bo‘yicha ish o‘rinlarini attestatsiyadan o‘tkazish natijalarining davlat ekspertizasidan o‘tgan tashkilotlar hisobi to‘g‘risidagi ma’lumotlar asosida davlat soliq xizmati organlarini mazkur Nizomning 1-ilovasiga muvofiq shakldagi hisob-kitobni topshirishi lozim bo‘lgan tashkilotlar haqida xabardor qiladi.

Pensiya jamg‘armasi tuman (shahar) bo‘limlari har oyda Qonunning 14-moddasiga muvofiq pensiya to‘langan oydan keyingi oyning beshinchi sanasiga qadar O‘zbekiston Respublikasi Bandlik va mehnat munosabatlari vazirligining tuman (shahar) bandlikka ko‘maklashish markazlariga ishsiz maqomiga ega bo‘lgan shaxslarga muddatidan oldin pensiyalar to‘lashga ketgan xarajatlarni qoplashga bo‘lgan summalar to‘g‘risidagi ma’lumotni taqdim etadi.

Bir vaqtning o‘zida ma’lumot axborot-kommunikatsiya texnologiyalaridan foydalangan holda davlat soliq xizmati organlariga taqdim etiladi.

O‘zbekiston Respublikasi Bandlik va mehnat munosabatlari vazirligining tuman (shahar) bandlikka ko‘maklashish markazlari har oyda Qonunning 14-moddasiga muvofiq tayinlangan pensiyalar to‘lovi amalga oshirilgan oydan keyingi oyning o‘n beshinchi sanasidan kechiktirmasdan ushbu xarajatlarni qoplaydilar.

Pensioner hisobda turgan joy bo‘yicha Pensiya jamg‘armasining tuman (shahar) bo‘limlari xodimlarning mehnat vazifalarini bajarish bilan bog‘liq holda mehnatda mayiblanish va kasb kasalligi oqibatida tayinlangan boquvchisini yo‘qotganlik va nogironlik pensiyalari to‘langan oydan keyingi oyning 15-sanasiga qadar axborot-kommunikatsiya texnologiyalaridan foydalangan holda Pensiya jamg‘armasi tuman (shahar) bo‘limi hisobda turgan joy bo‘yicha davlat soliq xizmati organlariga amalga oshirilgan xarajatlar to‘g‘risida ma’lumotlarni yetkazadilar.

Xodimlarning mehnat vazifalarini bajarish bilan bog‘liq holda mehnatda mayiblanish va kasb kasalligi oqibatida tayinlangan boquvchisini yo‘qotganlik va nogironlik pensiyalari summalari tashkilotlar tomonidan mazkur pensiyalar to‘langan butun davri uchun qoplanadi.

Xarajatlar to‘lovi har oyda pensiya to‘langan oydan keyingi oyning 25-sanasidan kechiktirmasdan amalga oshiriladi.

Ko‘rsatib o‘tilgan xarajatlarni qoplash bo‘yicha qarzdorliklar belgilangan muddatda to‘lanmagan taqdirda Vazirlar Mahkamasining 2014 yil 23 dekabrdagi 357-son qarori bilan tasdiqlangan «Fuqarolarning davlat pensiya ta’minoti to‘g‘risida»gi O‘zbekiston Respublikasining Qonuniga muvofiq pensiyalarni to‘lashga xarajatlarni qoplash tartibi to‘g‘risidagi nizomda belgilangan tartibda amalga oshiradi.

Pensiyalarni to‘lashga Pensiya jamg‘armasi xarajatlarini tashkilotlar tomonidan qoplanishi 200110 mablag‘lar manbasi va daromadlar kodlari bilan daromadlarning quyidagi shaxsiy g‘azna hisobvaraqlariga amalga oshiriladi:

3214101 — Qonunning 12-moddasi “b” bandiga asosan imtiyozli pensiya to‘lashni qoplash uchun ajratmalar;

3214115 — Yirik soliq to‘lovchilar tomonidan Qonunning

12-moddasi “b” bandiga asosan imtiyozli pensiya to‘lashni qoplash uchun ajratmalar;

3214116 — Qoraqalpog‘iston Respublikasi, viloyatlar va Toshkent shahar davlat soliq boshqarmalarida hisobi yuritiladigan soliq to‘lovchilar tomonidan Qonunning 12-moddasi “b” bandiga asosan imtiyozli pensiya to‘lashni qoplash uchun ajratmalar;

3214102 — O‘zbekiston Respublikasi Bandlik va mehnat munosabatlari vazirligining tuman (shahar) bandlikka ko‘maklashish markazlari tomonidan O‘zbekiston Respublikasining Qonunining

14-moddasiga muvofiq muddatdan oldin tayinlangan yoshga doir pensiyalarni to‘lash xarajatlarini qoplash uchun mablag‘lari;

3999059 — O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonunining 15-moddasiga asosan mehnatdan mayiblanganlik yoki kasb kasalligi oqibatida nogiron bo‘lgan shaxslarning va boquvchisini yo‘qotganlik pensiyasiyalarini qoplash mablag‘lari;

3999060 — O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonunining 15-moddasiga asosan mehnatdan mayiblanganlik yoki kasb kasalligi oqibatida nogiron bo‘lgan shaxslarning va boquvchisini yo‘qotganlik pensiyasiyalarini yirik soliq to‘lovchilar tomonidan qoplash mablag‘lari;

3999061 — O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonunining 15-moddasiga asosan mehnatdan mayiblanganlik yoki kasb kasalligi oqibatida nogiron bo‘lgan shaxslarning va boquvchisini yo‘qotganlik pensiyasiyalarini Qoraqalpog‘iston Respublikasi, viloyatlar va Toshkent shahar davlat soliq boshqarmalarida hisobi yuritiladigan soliq to‘lovchilar tomonidan qoplash mablag‘lari.

O‘zbekiston Respublikasi Moliya vazirligi tomonidan har kuni Pensiya jamg‘armasi mablag‘larini qoplanishi bo‘yicha kelib tushgan mablag‘larga oid ma’lumotlar elektron shaklda axborot-kommunikatsiya texnologiyalardan foydalangan holda O‘zbekiston Respublikasi Davlat soliq qo‘mitasiga taqdim etiladi.

Xodimlarning mehnat vazifalarini bajarish bilan bog‘liq holda mehnatda mayiblanish va kasb kasalligi oqibatida tayinlangan boquvchisini yo‘qotganlik va nogironlik pensiyalarini to‘lashga ketgan xarajatlar bo‘yicha qarzdorligi mavjud yoki Qonunning 12-moddasi «b» bandiga asosan tayinlangan pensiyalarni to‘lashga ketgan xarajatlarni qoplash uchun hisob-kitob taqdim etuvchi tashkilot tugatilayotganda tugatuvchi Pensiya jamg‘armasi tuman (shahar) bo‘limlaridan olingan ma’lumotlarga muvofiq tugatilayotgan tashkilot soliq hisobiga qo‘yilgan joy bo‘yicha davlat soliq xizmati organlariga ko‘rsatib o‘tilgan pensiyalarni to‘lashga ketadigan keyingi xarajatlarni ajratmalar amalga oshirilayotgan sanadagi pensiya miqdorini hisobga olgan holda kapitalizatsiya qilish uchun tegishli hisob-kitoblarni taqdim etadi.