Dehqonobodda xotin-qizlar bandligini ta’minlovchi zamonaviy tikuvchilik fabrikasi faoliyat yuritmoqda
2025-06-03 11:05:00 / Yangiliklar
Dehqonobod tumanida faoliyat olib borayotgan zamonaviy tikuvchilik fabrikasi bugungi kunda 400 nafarga yaqin xotin-qizni doimiy ish o‘rni bilan ta’minlab, ularning turmush darajasini yaxshilashga xizmat qilmoqda.
Korxonada ishlayotgan ayollar mehnatlariga yarasha munosib daromad olayotganliklarini mamnuniyat bilan ta’kidlashmoqda. Ishchilar uchun barcha zarur shart-sharoitlar yaratilgan: sexlar sovitish tizimlari bilan jihozlangan, ishchilar maxsus avtobuslar orqali yetkaziladi hamda bepul tushlik beriladi.
Fabrika rahbariyatining ma’lumotiga ko‘ra, yaqin kelajakda korxona imkoniyatlari kengaytirilib, ish o‘rinlari soni 1000 nafarga yetkazilishi rejalashtirilgan. Bu esa tumanda ayollar bandligini oshirishga katta hissa bo‘ladi.