Bugungi kunda tovar va xizmatlarning reklamasi keskin faollashgan bo‘lib, bunda e’tiborni jalb etish uchun turli vositalardan keng foydalanilmoqda. Raqobat qo‘mitasi “Reklama to‘g‘risida”gi Qonunning ijrosini ta’minlovchi vakolatli organ hisoblanadi va reklama bozorida nomaqbul va ishonchsiz axborotlar berilishining oldini oladi.
Xususan, reklama axborotidagi ma’lumotlar amaldagi holatga mos kelmasligi oqibatida fuqarolarga noto‘g‘ri axborot taqdim etilishi hamda ularda tovar (ish, xizmat) haqida to‘g‘ri va to‘liq ma’lumot olishga bo‘lgan huquqlari buzilishiga sabab bo‘lmoqda.
Hurmatli fuqarolar
Turli xil manbalar va ijtimoiy tarmoqlarda shubhali reklamalarga duch kelsangiz, berilayotgan ma’lumotlarning ishonchliligini tekshirib olish uchun Raqobat qo‘mitasiga murojaat qiling.
Unutmang, Sizning huquqlaringiz qonun himoyasida!
Qo‘mitaning yagona ishonch 1159 raqami