Oʻzbekiston Respublikasi Soliq qoʻmitasi

Xususan bugungi kunda 

• “korxonabay” ishlash tizimida 182 mingta QQS toʻlovchi korxonaga 902 nafar,
• "mahallabay" tizimida esa 9 445 ta  mahallaga 4 349 nafar soliq inspektori biriktirilgan. 

Ushbu xodimlarning asosiy vazifasi soliq toʻlovchilarga soliq majburiyatlarining oʻz vaqtida va toʻgʻri bajarilishida koʻmaklashishdan iborat. 

Har bir soliq to‘lovchining my3.soliq.uz'dagi shaxsiy kabineti "Asosiy" sahifasida, o‘ziga biriktirilgan soliq inspektori haqida to‘liq ma’lumotlar (FIO, lavozimi va bog‘lanish uchun telefon raqami) joylashtirilgan:

• “Korxonabay” tizimida "Mening soliq boshqarmadagi inspektorim" bo‘limida;
• “Mahallabay” tizimida "Mening mahalladagi soliq inspektorim" bo‘limida. 

Soliq toʻlovchilar faoliyati

• “korxonabay” ishlash tizimi orqali 42 ta,
• "mahallabay" tizimida esa 25 ta yo‘nalishda avtomatik tahlil qilinadi.  

Soliq to‘lovchilar uchun my3.soliq.uz portalida yaratilgan yana bir yangilik – shaxsiy kabinetning "Asosiy" sahifasidagi “Xizmatlar” bo‘limida soliq to‘lovchilarning soliq organlariga murojaat yuborish shakli yangilandi.

Endilikda murojaat yuborishda uning qisqacha mazmunini bildiruvchi 40 ta mavzudan birini tanlash mumkin.  Bunda 1,5 ming belgidan ko‘p bo‘lmagan matn va 5 MBgacha bo‘lgan fayl (xls/pdf/zip) biriktirish imkoni mavjud.  

Yuridik va jismoniy shaxslar uchun soliq organining manzili soliq to'lovchining ro'yxatdan o'tgan joyi bo‘yicha avtomatik ravishda sozlanadi. Lekin soliq to‘lovchi o‘z ixtiyoriga ko‘ra, boshqa soliq organini - inspeksiya, boshqarma yoki Soliq qo'mitasini ham tanlashi mumkin.