#qonunchilikdagi_yangiliklar

 

Yengil avtotransport vositalarida yoʻlovchilarni shahar, shahar atrofi va shaharlararo tashish faoliyati oʻzini oʻzi band qilgan shaxslar shugʻullanishi mumkin boʻlgan faoliyat turlari roʻyxatiga kiritiladi. Buning uchun litsenziya varaqasi talab etiladi.

 PQ-78  son, 27.02.2025-yil

 

Avval oʻzini oʻzi band qilgan shaxslar sifatida yoʻlovchi tashishga 2025-yil 1-yanvargacha ruxsat berilgan edi.

 

Eslatma! Soliq mobil ilovasida o'zini o‘zini band qilgan shaxs sifatida bepul ro‘yxatdan o‘tish mumkin.

 

O‘zini o‘zi band qilgan shaxslarning soliq davri (yil) davomida mehnat faoliyati natijasida yoki tovarlarni (xizmatlarni) realizatsiya qilishdan olingan 100 million so‘mgacha bo‘lgan daromadlariga soliq solinmaydi. Bunda, yil tugashi bilan yangi yil boshidan daromadlar qaytadan hisoblanadi. 

Soliq davrida daromadlari 100 mln so‘mdan oshganda  yakka tartibdagi tadbirkorlar uchun belgilangan tartib asosida soliqqa tortiladi.

👉Soliq kodeksi-369-moddasi
👉PQ-4742-son, 08.06.2020-yil

 

Misol uchun, 2024-yilda daromadlari 100 mln soʻmdan oshmagan yoki oshgan taqdirda ham 2025-yilda hisob kitob "nol"dan boshlanib, ularning 100 mln soʻmgacha boʻlgan daromadlari soliqqa tortilmaydi.

 

Shuningdek, taksi faoliyati bilan band boʻlganlarga sodda va qulay boʻlishi uchun, daromadi 100 million soʻmdan oshganda (lekin 1 milliard soʻmgacha) ular uchun soliqni soliq agentlari (taksi agregatori) toʻlov manbaida avtomatik hisoblash va budjetga oʻtkazish yuzasidan tegishli takliflar ishlab chiqilgan. Mazkur taklif qabul qilinib qonunchilikka kirilganida ushbu tartib asosida soliqqa tortish tizimi joriy etiladi.

 

Ma’lumot uchun. 2025-yil 1-fevral holatiga 736 ming nafar o‘zini o‘zi band qilgan shaxslar yo‘lovchi tashish bilan shug‘ullanadi.