2024-yil 1-sentabrdan 2027-yil 1-sentabrgacha “Hunarmand” uyushmasining aʼzolari uchun belgilangan soliq imtiyozlarining zargarlik buyumlarini ishlab chiqarish bilan shug‘ullanadigan va “O‘zbekzargarsanoati” uyushmasining aʼzolari bo‘lgan YATTlarga nisbatan ham tatbiq etilishi belgilandi.
👉O‘RQ-1059-son, 18.04.2025-yil

Zargarlik buyumlari ishlab chiqarish bilan shug‘ullanadigan va “O‘zbekzargarsanoat” uyushmasining aʼzolari bo‘lgan  tadbirkorlik subyektlarining ishlab chiqarishda foydalaniladigan ko‘chmas mulk obyektlari hamda yer uchastkalari mol-mulk va yer solig‘idan ozod qilinadi.

"Qimmatbaho metallar va qimmatbaho toshlar to‘g‘risida" gi Qonunga qo‘shimcha ravishda, qayta ishlash korxonalariga qo‘shimcha litsenziyalash tartib-qoidalaridan o‘tmasdan quyidagi huquqlar berilishi belgilandi:

▫️zargarlik buyumlari ishlab chiqaruvchilariga qimmatbaho metallarni qulay shakllar va hajmlarga keltirgan holda repalizatsiya qilish;

 ▫️qimmatbaho metallardan suvenir tangalar ishlab chiqarish va realizatsiya qilish.

 Bundan tashqari, zargarlik buyumlari ishlab chiqaruvchilari o‘zlari qimmatbaho metallardan yasagan zargarlik buyumlarining yarim tayyor mahsulotlarini boshqa zargarlik buyumlari ishlab chiqaruvchilariga sotish huquqiga ega ekanligi belgilab berildi.

Bunda yarim tayyor mahsulotni realizatsiya qilish qiymati zargarlik buyumini ishlab chiqaruvchilar tomonidan Londan qimmatbaho metallar bozori uyushmasining ertalabgi fiksingi bahosidan va O‘zbekiston Respublikasi Markaziy bankining hisob-kitob amlga oshirilayotgan kundagi kursidan kam bo‘lmagan miqdorda mustaqil ravishda belgilanadi.