Funksiya va vazifalari

O‘zbekiston Respublikasi Vazirlar Mahkamasi huzuridagi soliq qo‘mitasining Matbuot xizmati (keyingi o‘rinlarda - Matbuot xizmati) o‘z faoliyatida O‘zbekiston Respublikasining Konstitutsiyasi, O‘zbekiston Respublikasining Soliq kodeksi, O‘zbekiston Respublikasining “Davlat soliq xizmati to‘g‘risida”, “Ommaviy axborot vositalari to‘g‘risida”, “Davlat hokimiyati organlari faoliyatining ochiqligi to‘g‘risida” gi qonunlariga amal qiladi. 

 

Matbuot Axborot xizmatining asosiy vazifalari

Matbuot xizmatining asosiy vazifalari quyidagilardan iborat:

• Soliq to'lovchilarga ommaviy axborot vositalari orqali Soliq qo'mitasi va davlat soliq xizmati hududiy organlari tomonidan qonun hujjatlarida belgilangan vazifalarni, shuningdek soliq to'g'risidagi qonun hujjatlariga kiritilgan yangiliklarni va vazifalarni bajarish bilan bog'liq faoliyat to'g'risida ma'lumot yetkazish;
• Soliq qo'mitasi tomonidan o'tkaziladigan boshqa yig'ilishlar, konferensiyalar va boshqa tadbirlarni ommaviy axborot vositalarida yoritish;
• Soliq qo'mitasi markaziy apparati va davlat soliq xizmati hududiy organlarining ommaviy axborot vositalari bilan o'zaro munosabatlari va munosabatlarini qonun hujjatlarida belgilangan tartibda amalga oshirish.

Matbuot xizmatining funksiyalari 

Matbuot xizmati o'ziga yuklangan vazifalarga muvofiq quyidagi funksiyalarni bajaradi:

• Soliq qo'mitasi rahbariyati va mutaxassislarining ular to'g'risidagi ommaviy axborot vositalarida chiqishlari jadvallarini tuzadi;
• Soliq qo'mitasi va davlat soliq xizmati hududiy organlari o'rtasida ommaviy axborot vositalari bilan ijodiy hamkorlikni yo'lga qo'yilishini va amalga oshirilishini ta'minlaydi;
• soliq qonunchiligidagi yangiliklar va ularga kiritilgan o'zgartishlar to'g'risida Soliq qo'mitasi markaziy apparati tarkibiy bo'linmalaridan ma'lumot oladi va ushbu ma'lumotlarni Soliq qo'mitasining rasmiy veb-saytiga joylashtiradi;
• O'zbekiston Respublikasining qonun hujjatlari bilan davlat soliq xizmati organlariga yuklangan vazifalarni bajarish bo'yicha bajarilgan ishlarni keng ommalashtirish maqsadida davlat soliq xizmati organlarida soliq to'lovchilar va ommaviy axborot vositalari vakillari ishtirokida seminar, trening, forum va boshqa uchrashuvlar tashkil etilishini ta'minlaydi;
• Belgilangan vazifalarni bajarishda davlat soliq xizmati hududiy organlarining Matbuot xizmatlariga belgilangan tartibda yordam ko'rsatadi;
• Soliq qo'mitasi rahbariyatiga mahalliy va xorijiy ommaviy axborot vositalarida soliqlar va soliq xizmati organlari to'g'risidagi yangilik va materiallar to'g'risida muntazam ravishda xabardor qilib turadi;
• Soliq qo'mitasining Hay'at yig'ilishlari va boshqa yig'ilishlarida, davlat soliq xizmati hududiy organlarida, shuningdek davlat soliq xizmati organlarining ijtimoiy-iqtisodiy hayotida bo'lib o'tadigan yig'ilishlarda qatnashadi.

Shuningdek, Matbuot xizmati O'zbekiston Respublikasining yangi qabul qilingan qonun hujjatlari, Soliq qo'mitasining ichki ma'muriy hujjatlari talablari va xalqaro amaliyotga asoslangan boshqa funktsiyalarni ham amalga oshiradi. 

 

Soliq qoʻmitasi Matbuot xizmati tomonidan yuritiladigan rasmiy axborot manbalari:

 

Website - www.soliq.uz  

Telegram - http://t.me/soliqnews

Facebook - https://www.fb.com/Soliqpressa/

YouTube - https://www.youtube.com/c/Davlatsoliqqomitasi

Instagram - https://www.instagram.com/soliqnews/   

X (Twitter) - https://twitter.com/soliqnews

 

Soliq qoʻmitasi Matbuot xizmati yurtimizdagi barcha ommaviy axborot vositalari bilan yaqin ijodiy hamkorlik qilishga tayyor ekanligini va bu boradagi takliflarni doim qoʻllab-quvvatlashdan mamnunligini izhor etadi!

  Bogʻlanish uchun maʼlumotlar: 

Mas'ul	F.I.O	Telefon
Jamoatchilik bilan aloqalar boshqarmasi boshlig‘i	Dildora Xashimova	244-98-09
Umumiy bo‘lim	Nargiza Erkinova	244-98-22
Texnik bo‘lim	Bobirmirzo Mamatisayev	244-98-34

Elektrоn aloqa:

e-mail:	Pressa@soliq.uz
Telegram:	@DSQ_Pressa

 

Soliq qo‘mitasi faoliyati to‘g‘risida axborot olish tartibi

 

Ommaviy axborot vositasining davlat hokimiyati va boshqaruvi organlari faoliyati to‘g‘risida axborot olishi tartibi “Ommaviy axborot vositalari to‘g‘risida”gi qonunning 18-, 19-, 20-moddalariga muvofiq, davlat hokimiyati va boshqaruvi organlarining faoliyati to‘g‘risida axborot olishga doir so‘rov axborotdan foydalanuvchining davlat hokimiyati va boshqaruvi organlari faoliyati to‘g‘risida axborot taqdim etish haqida ushbu organlarga va (yoki) ularning mansabdor shaxslariga yo‘llanadigan og‘zaki yoki yozma shakldagi, (shu jumladan elektron hujjat shaklidagi) talabidir.

Axborotdan foydalanuvchining so‘rovi ro‘yxatdan o‘tkazilgan kundan e’tiboran ko‘pi bilan o‘n besh kunlik muddatda ko‘rib chiqiladi.

Ommaviy axborot vositasining davlat hokimiyati va boshqaruvi organlarining faoliyati to‘g‘risida axborot olishga doir, shuningdek, mansabdor shaxslarning intervyusini tashkil etish to‘g‘risidagi so‘rovi ko‘pi bilan yetti kunlik muddatda ko‘rib chiqiladi.

Agar axborotdan foydalanuvchining so‘rovini ko‘rib chiqish davlat hokimiyati va boshqaruvi organlarining vakolatlariga kirmasa, so‘rov so‘ralayotgan axborotni taqdim etish vakolatiga kiritilgan organga ro‘yxatdan o‘tkazilgan kundan e’tiboran uch ish kuni ichida yuboriladi, axborotdan foydalanuvchi esa bu haqda xabardor qilinadi.

Rasmiy nashrlarda, ommaviy axborot vositalarida e’lon qilingan (chop etilgan) yoxud rasmiy veb-saytlarda joylashtirilgan axborot so‘ralganda davlat hokimiyati va boshqaruvi organlari so‘rovga beriladigan javobda so‘ralayotgan axborot e’lon qilingan (chop etilgan) rasmiy nashrning, ommaviy axborot vositasining nomi, chiqarilish sanasi hamda raqamini va (yoki) so‘ralayotgan axborot joylashtirilgan rasmiy veb-saytning elektron manzilini ko‘rsatgan holda havola berishi mumkin.

Agar davlat hokimiyati va boshqaruvi organlari olingan so‘rov bo‘yicha davlat hokimiyati va boshqaruvining boshqa organlari vakolatlari to‘g‘risidagi ma’lumotlarga ega bo‘lmasa, axborotdan foydalanuvchiga so‘rov ro‘yxatdan o‘tkazilgan kundan e’tiboran uch ish kuni ichida tegishli javob yuboriladi.

So‘rov rad etilgan taqdirda axborotdan foydalanuvchiga asoslantirilgan javob yuboriladi.

Jismoniy shaxsning so‘rovida uning familiyasi, ismi, otasining ismi, yashash joyi to‘g‘risidagi ma’lumotlar ko‘rsatilgan va so‘rovning mohiyati bayon etilgan bo‘lishi kerak. Yuridik shaxsning so‘rovida yuridik shaxsning to‘liq firma nomi, uning joylashgan yeri (pochta manzili) to‘g‘risidagi ma’lumotlar ko‘rsatilgan, so‘rovning mohiyati bayon etilgan bo‘lishi kerak.

Yozma so‘rovlar axborotdan foydalanuvchining shaxsiy imzosi bilan tasdiqlangan bo‘lishi kerak. So‘rovni shaxsiy imzo bilan tasdiqlash imkoniyati bo‘lmagan taqdirda, u qo‘shimcha ravishda tuzuvchining ham familiyasi, ismi, otasining ismi qo‘yilgan holda uning imzosi bilan tasdiqlangan bo‘lishi kerak.

Axborotdan foydalanuvchini identifikatsiyalash imkoniyatini beradigan ma’lumotlar ko‘rsatilmagan so‘rov anonim hisoblanadi va ko‘rib chiqilmaydi.

So‘rov unda qo‘yilgan masalalar yuzasidan axborot taqdim etish vakolatiga kiradigan davlat hokimiyati va boshqaruvi organiga yoki mansabdor shaxsga yuboriladi.