2025- yilda "Jismoniy tayyorgarlik darajasi" sport sinovlari 7-17 yosh toifasida aprel-may oylarida qabul qilinadi
2025-03-18 12:40:00 / Infografika
7-17 yosh toifasida sport sinovlari ixtiyoriy talablar bo‘yicha joriy yilning 1-30-aprel kunlari 10 134 ta umumiy o‘rta ta’lim maktablarida qabul qilinadi.
Maxsus talablar bo‘yicha 1-15-may kunlari tuman (shahar)lardagi 254 ta sport maktablarida qabul qilinadi.
Sport sinovlarini topshiruvchilarga qulaylik yaratish maqsadida my.sport.uz platformasida “Sport sinovlari” axborot tizimi ishga tushirilgan.
Sport sinovlarini topshirish istagida bo‘lganlar my.sport.uz saytida onlayn ariza qoldiradi. Axborot tizimi esa sport sinovlarini topshirish joyi haqida avtomatik ma’lumot uzatadi.
Sport sinovlarini topshirish jarayonida ishtirokchilar elektron platformada baholanadi va shu kunning o‘zida natija ma’lum qilinib, shaxsiy kabinetiga elektron sertifikat yuboriladi.
Arizalar 1-apreldan boshlab my.sport.uz saytida qabul qilinadi.