Respublikamizda jami 11 ta tibbiyot oliy ta'lim muassasasi (OTM) mavjud, bular:

    Toshkent tibbiyot akademiyasi
    Toshkent pediatriya tibbiyot instituti
    Toshkent farmasevtika instituti
    Toshkent davlat stomatologiya instituti
    Andijon davlat tibbiyot instituti
    Buxoro davlat tibbiyot instituti
    Samarqand davlat tibbiyot instituti
    Qoraqalpog'iston tibbiyot instituti
    Farg'ona jamoat salomatligi tibbiyot instituti
    Toshkent tibbiyot akademiyasi Urganch filiali
    Toshkent tibbiyot akademiyasi Termiz filiali

Ushbu tibbiyot OTMda jami 13 ta yo'nalish bo'yicha talabalar tahsil olmoqda, bular:

- Davolash ishi;

- Pediatriya ishi;

- Tibbiy profilaktika ishi;

- Professional ta'lim (yo'nalishlar bo'yicha);

- Tibbiy-biologik ish;

- Oliy hamshiralik ishi;

- Stomatologiya (yo'nalishlar bo'yicha);

- Xalq tabobati;

- Biotibbiyot muhandisligi;

- Farmasiya (turlari bo'yicha);

- Metrologiya, standartlashtirish va mahsulot sifati menejmenti (tarmoqlar bo'yicha);

- Biotexnologiya (tarmoqlar bo'yicha);

- Sanoat farmasiyasi (turlari bo'yicha).

 

Tibbiyot oliy ta'lim muassasalarida 60 dan ortiq yo'nalishlar bo'yicha 2 yillik va 3 yillik magistratura ta'limi mavjud.

Shuningdek faqatgina tibbiyot OTM uchun xos bo'lgan klinik ordinatura ta'lim shakli ham mavjud bo'lib, unda ham 55 dan ortiq mutaxassisliklar bo'yicha tor mutaxassislar tayyorlanadi.

 Tibbiyot OTMdagi jami talabalar soni 11 mingdan ortiqni, magistratura talabalari soni 1500 nafarga yaqinni hamda, klinik ordinatorlar soni 4 mingdan ortiqni tashkil etadi.

 

Respublikada bugungi kunda jami 47 ta Abu Ali ibn Sino nomidagi jamoat salomatligi texnikumlari mavjud bo'lib, ularda jami 6 ta yo'nalish bo'yicha 3 yillik o'qish tashkil etilgan, bular:

- hamshiralik ishi;

- feldsher-akusherlik ishi;

- tibbiy-profilaktika ishi;

- feldsher-laboratoriya ishi;

- stomatologiya ishi;

- farmasiya.

Ushbu texnikumlarni imtiyozli tamomlagan talabalar, tibbiyot oliy ta'lim muassasalariga 2-kursga suhbat asosida qabul qilinishlari mumkin.

Shuningdek, respublikamizda 28 ta tibbiyot kollejlari mavjud bo'lib, 7 ta ta'lim yo'nalishlari bo'yicha 2 yillik o'qish tashkil etilgan.

Jami talabalar soni jamoat salomatligi texnikumlarida 23 mingdan ortiqni, tibbiyot kollejlarida 13 mingdan ortiqni tashkil etadi.