Бухоро вилояти ҳокимлиги

Шу нуқтаи назардан, маҳалла ва қишлоқларда яшовчи аҳоли талаб ва истаклари, мурожаатларини инобатга олинган ҳолда ташкил этилаётган янги хизмат кўрсатиш маркази турли хил ижтимоий маслаҳатлар, маиший ва маъмурий масалаларни ҳал этилишида амалий ёрдам олиш учун универсал маскан бўлиши белгиланган.  

“Шанба” маҳалласида замонавий ва кўркам кўринишда бунёд этилган маскан учун ҳам 20 сотих ер майдони ажратилган бўлиб, маҳалла аҳлининг кундалик дуч келаётган ташвишини енгиллатиш, мушкулини осон қилиш,  турмушини яхшилашга хизмат қилади. Марказ биносининг ерости қаватида мева ва сабзавотларни саралаш ва қадоқлаш учун махсус жой, ёрдамчи хоналар, биринчи қаватда эса аёллар ва эркаклар учун алоҳида сартарошхона, дорихона, банк вакиллари учун маъмурий хоналар, МФЙ раиси ҳамда ҳоким ёрдамчиси, хотин-қизлар фаоли, ёшлар етакчиси, ижтимоий ходим, профилактика инспектори учун хоналар ҳам ташкил этилган.  Шунингдек, бу ерда давлат хизматлари маркази билан бирга ташаббускор тадбиркорларнинг қандолат цехи ва савдо дўкони фаолияти ҳам йўлга қўйилмоқда. 

Иншоотнинг иккинчи қавати асосан ўқув марказига ажратилган бўлиб, унда касб-ҳунарга йўналтириш, кимёвий тозалаш хизмати, фитнес зали кабилар ўрин олган. Учинчи қаватда эса чеварлар тикув цехи, маиший техника устахонаси ва ёшлар маркази фаолияти йўлга қўйилмоқда. 

Умуман, қиймати 4 миллиард 700 миллион сўмга молиялаштирилган мазкур лойиҳа—маҳалла маиший хизмат кўрсатиш марказида 20 нафардан ортиқ фуқаро, асосан ёшлар бандлиги таъминланмоқда. Мазкур марказнинг очилиш маросимида ҳомий сифатида Ислом тараққиёт банки, шунингдек, республика Иқтисодиёт ва молия вазирлиги вакиллари, туман ҳокимлиги масъул мутасаддилари, маҳалла фаоллари ҳозир бўлдилар. 

Вилоят ҳокимлиги матбуот хизмати