Вазирлар Маҳкамасининг “Хотин-қизларнинг пиллачилик соҳасидаги бандлигини босқичма-босқич таъминлаш чора-тадбирлари тўғрисида”ги қарори қабул қилинди.
2025-01-31 10:30:00 / Вазирлик янгиликлари
Унга кўра, хотин-қизларни пиллачилик соҳасида қисқа муддатли ўқув курсларида ўқитиш ва уларни соҳага жалб қилишнинг асосий параметрлари ҳамда уни босқичма-босқич таъминлаш тизимини ташкил этиш бўйича “йўл харитаси” тасдиқланди.
Асосий параметрларга мувофиқ қисқа муддатли ўқув курсларини тамомлаган хотин-қизларнинг бандлиги ипак қурти уруғчилиги корхоналари, пиллачилик ва тутчилик йўналишидаги фермер хўжаликларига мавсумий ҳамда доимий ишларга қабул қилиш орқали таъминланади.
Хитой, Ветнам, Ҳиндистон ва Япониянинг ипакчилик соҳасидаги мутахассислари хотин-қизларнинг пиллачилик соҳасидаги қисқа муддатли ўқув курсларига жалб қилинади.
Пиллачилик соҳасида банд бўлган фуқароларнинг маълумотлари “yangiish.mehnat.uz” платформасига киритиб борилади. Шунингдек, ушбу платфрома орқали ўқув курсларини тамомлаган хотин-қизларнинг доимий ва мавсумий ишларга қабул қилинганлиги ҳисоби юритилади.