Адиблар хиёбонида "Миллий қадриятлар сайли" адабий-маърифий ҳафталиги бўлиб ўтди!
2024-04-26 13:10:00 / Вазирлик янгиликлари
Олий таълим, фан ва инновациялар вазирлиги ҳузуридаги Талаба ва ўқувчиларнинг ижтимоий фаоллигини ошириш маркази томонидан 23–25 апрель кунлари Тошкент шаҳридаги барча олий таълим муассасалари иштирокида ташкил этилган ушбу байрам сайлида 50 мингга яқин талаба-ёшлар ва ўқувчилар ҳам қамраб олинди.
Уч кун давомида ташкил этилган тадбирларда талабалар томонидан фольклор, халқ оғзаки ижодидан чиқишлар, адиблар ҳаёти ва ижодига бағишланган саҳна кўринишлари, ҚвЗ жамоалари чиқишлари намойиш этилди. Караоке ва "Эркин микрофон" лойиҳалари ташкил қилинди, куй-қўшиқлар жаранглади, шунингдек, республикамиз ҳудудларининг миллий урф-одат, анъана ва қадриятлари тараннум этилди.
Айниқса, марказлашган ҳолда ташкил этилган Заковат интеллектуал турнирлари кўпчиликда катта қизиқиш уйғотди, адреналин улашди.
Энг асосийси, ушбу байрам сайли барча талаба-ёшларга ва пойтахтимиз меҳмонларига бирдек манзур келди. Сайл якунидаги хулосаларга кўра, бундай кўнгилочар байрам тадбирларини барча вилоятларда ташкил этиш режалаштирилди.