Буюк Британиянинг таълим соҳасидаги нуфузли рейтинг ташкилотлари билан ўзаро ҳамкорлик мустаҳкамламоқда
2024-05-15 10:30:00 / Вазирлик янгиликлари
Форум нуфузли халқаро рейтинг ташкилоти «Тимес Ҳигҳер Эдуcатион» томонидан ҳамкор ташкилотлар билан биргаликда ўтказилди. Унда 55 та давлатдан 150 дан ортиқ университет ва 60 дан зиёд халқаро ташкилот делегациялари иштирок этди. Анжуман дастури доирасида университетларнинг халқаро рейтингдаги ўрнини яхшилаш, рейтинг учун масъул ва бошқа ходимлар малакасини ошириш, талабалар ва профессор-ўқитувчилар алмашинувини йўлга қўйиш, халқаро ҳамкорликни ривожлантириш мавзулари бўйича семинарлар ташкил этилди.
Анжуман доирасидаги икки томонлама мулоқотлар чоғида Ўзбекистонда олий таълим тизимида олиб борилаётган ислоҳотлар ва эришилаётган ижобий натижалар тўғрисида батафсил маълумот берилди. Шунингдек, музокаралар давомида Ўзбекистон олий таълим муассасаларининг халқаро рейтинглардаги ўрнини яхшилаш, дунёнинг энг нуфузли олий таълим ташкилотлари билан ҳамкорлик алоқаларини ўрнатиш, рейтинг ташкилотлари билан ҳамкорликни янада жадаллаштириш масалалари муҳокама қилинди.
Тадбир доирасида «Тимес Ҳигҳер Эдуcатион» халқаро рейтинг ташкилотининг Маълумотлар билан ишлаш бўйича ижрочи директори Девид Уоткинс билан учрашув бўлиб ўтди.
Суҳбат давомида Олий таъллим, фан ва инновациялар вазирлиги билан «Тимес Ҳигҳер Эдуcатион» ташкилоти ўртасидаги ҳамкорликнинг жорий ҳолати, республика олий таълим муассасаларини халқаро рейтинглардаги ўлрнини яхшилаш, глобал рейтингларда иштирок этишнинг аҳамияти ва истиқболли режалар хусусида фикр алмашилди.
Учрашув якунида, Ўзбекистон олий таълим муассасаларининг халқаро рейтинглар учун масъул ходимлари учун семинарлар ташкил этиш ва «Тимес Ҳигҳер Эдуcатион» рейтинг ташкилоти томонидан ўтказиладиган навбатдаги халқаро тадбирларни мамлакатимизда ўтказиш бўйича дастлабки келишувга эришилди.