Нукусдаги "Жаслар технопарки"да Ёшлар академиясининг навбатдаги ассамблеяси ўтказилди
2024-10-12 13:00:00 / Вазирлик янгиликлари
Қорақалпоғистон Республикаси Нукус шаҳрида жойлашган "Жаслар технопарки"да Олий таълим, фан ва инновациялар вазири ўринбосари О.Маҳкамов бошчилигида бўлиб ўтган ассамблеяда Ёшлар академияси лидерлари ҳамда аъзолари иштирок этди.
Ёшлар академияси ассамблеясида лидерларнинг фаолият натижалари ҳақида сўз борди, учрашув иштирокчиларидан тушган таклифлар тингланди. Илмий изланишларни ривожлантириш, креатив тадбиркорликни илгари суриш, Ёшлар академиясининг истиқболдаги режалари ҳамда долзарб йўналишлари бўйича очиқ муҳокама бўлиб ўтди.
Шунингдек, Ёшлар академиясининг навбатдаги ассамблеясигача устувор вазифалар белгиланди.
Ассамблея якунида қорақалпоғистонлик бир қатор иқтидорли ёшларга "Ёшлар академияси аъзоси" белгиси топширилди.