Андижон вилояти ИИБ ташаббуси билан “Ёшлар ойлиги” доирасида ёш ходимлар ҳамда ўқувчи-ёшлар учун “Шон-шараф” музейига саёҳат ташкил этилди
2025-06-06 09:00:00 / Янгиликлар
Андижон вилояти ИИБ Маънавий-маърифий ишлар ва кадрлар билан таъминлаш хизмати ташаббуси билан ёшларни ватанпарварлик руҳида тарбиялаш борасидаги бир қатор тадбирлар ўтказилмоқда.
Хусусан, “Ёшлар ойлиги” доирасида Андижон вилоят ички ишлар бошқармасининг “Шон-шараф” музейига ички ишлар органларининг ёш ходимлари ҳамда ИИВ Андижон академик лицейи ўқувчилари ташриф буюришди.
Унда ёш ходимлар ва ўқувчилар Ўрта Осиё, хусусан, Андижоннинг қадимги давлатчилик хавфсизлигидан бошлаб, бугунги кунгача босиб ўтган йўли, ҳудудий хавфсизлик ва халқ осойишталиги йўлида хизмат қилган фидоийлар, ўтган ҳар бир даврнинг воқеа ҳодисаларини ўзида мужассам этган кўргазмалар билан яқиндан танишдилар.
Бундан ташқари, бошқармада ташкил этилган “Хотира майдони”даги юртимиз тинчлиги ва осойишталигини таъминлаш йўлида қаҳрамонларча ҳалок бўлган мард ўғлонлар хотираси ёдга олинди.
Ўтказилаётган бу каби тадбирлар ходимлар ҳамда ўқувчиларнинг маънавий дунёсини бойитиш ҳамда уларда ватанпарварлик туйғусини янада ошишига хизмат қилади.
Андижон вилояти ИИБ Ахборот хизмати