“Ёшлар ойлиги” доирасида Андижон вилояти ички ишлар органларининг ёш ходимлари ўртасида спортнинг “Сузиш” тури бўйича мусобақа ўтказилди
2025-06-06 09:00:00 / Янгиликлар
Ички ишлар органларининг ёш ходимлари ва ҳарбий хизматчиларини умуммиллий мақсад – “Янги Ўзбекистон”ни барпо этиш йўлида ягона куч сифатида бирлаштириш мақсадида, Ички ишлар вазирининг тегишли фармойишига асосан, ички ишлар органлари тизимида жорий йилнинг июнь ойлиги “Янги Ўзбекистон ёшлари, бирлашайлик!” шиори остида “Ёшлар ойлиги” деб эълон қилинди.
Мазкур ойлик доирасида ички ишлар органлари ёш ходимларининг маънавий ва маърифий дунёқарашини ошириш, иқтидорли ходимларни аниқлаш, уларнинг бўш вақтларини мазмунли ташкил этиш, улар ўртасида интеллектуал ва спорт ўйинлари, турли танлов, мусобақа ҳамда бошқа тадбирлар ташкил этилиши белгиланган.
Шу муносабат билан, ёш ходимлар ўртасида спортнинг “Сузиш” тури бўйича мусобақа ўтказилди.
Ўтказилган мусобақа натижасига кўра, Қўрғонтепа тумани ИИБ 2-сон ички ишлар бўлинмаси Ҳуқуқбузарликлар профилактикаси гуруҳи профилактика инспектори лейтенант Файзулло Хабибуллаев 3-ўринни, Асака тумани ИИБ 1-сон ички ишлар бўлинмаси ҳуқуқбузарликлар профилактикаси гуруҳи профилактика инспектори катта лейтенант Сарварбек Мелиқўзиев 2-ўринни ҳамда Андижон шаҳар бўйича ИИО ФМБ Тезкор-қидирув хизмати Терроризмга қарши курашиш бўлими тезкор вакили капитан Шерзодбек Зухриддинов эса фахрли 1-ўринни эгаллади.
Ғолиб ва совриндор бўлган ходимлар вилоят ички ишлар бошқармаси раҳбарияти томонидан диплом ва қимматбаҳо совғалар билан тақдирландилар.
Андижон вилояти ИИБ Ахборот хизмати