Жиззахдаги 10 та мактабда PISA имтиҳонлари қандай ўтди?
2025-05-07 08:00:00 / Янгиликлар
PISA - 15 ёшли ўқувчиларнинг ўқиш, математика, табиий фанлар саводхонлиги ҳамда билимларини амалиётда қўллаш қобилиятини баҳоловчи дастур бўлиб, ҳар уч йилда бир маротаба ўтказилади.
PISA– 2025 халқаро тадқиқотида 91 та давлат иштирок этади. Бу йил янги йўналиш - рақамли дунёда ўрганиш йўналиши ҳам қўшилди.
Ўқувчилар топшириқларни онлайн тарзда бажардилар. Тест жараёни 2 соат давом этди. Ҳар соатда 5-10 дақиқалик танаффус берилди. Шунингдек, таълим муҳитини ўрганиш мақсадида ўқувчилардан сўровнома ҳам олинди.
Тадқиқод натижалари, синовлар 91 та мамлакатда ўтказиб бўлингач, икки йилдан сўнг эълон қилинади.