#юртимиз_дурдоналари
2025-05-28 18:05:00 / Янгиликлар
Тошкент марказидаги тарихий тепалик
Пойтахтнинг марказий кўчаларининг бирида “Минг ўрик” деб аталувчи ноёб тепалик мавжуд. Аслида ёдгорлик Турк хоқонлиги пойтахти Чочни қўриқлаган қадимий қалъа харобасидир. Археологик изланишларга асосан, шаҳар эрамизнинг И аср бошларида, ҳам мавжуд бўлган. Археологлар ушбу ноёб ҳудудга илк маротаба ХИХ аср охирида қизиқиш билдирганлар.
Маълумотларга кўра, тепалик туркий ҳукмдорларнинг қадимий қароргоҳи бўлган. Бино хоналарининг жойлашуви ва қурилиш чизмалари бу ерда қадимги бутпараст ибодатхоналарнинг жойлашганлигини ва олов учун очиқ қурбонгоҳлар бўлганлигини кўрсатади.
Тошкент шаҳрида жойлашган “Минг ўрик”, “Чилонзор Оқтепа” ва “Шоштепа” каби ноёб меъморий ёдгорликлар пойтахтимизнинг тарихий урбанизациясининг ёрқин далилидир.
Маълумот учун, ушбу ёдгорлик мажмуаси Вазирлар Маҳкамасининг 2019 йил 4 октабрдаги “Моддий маданий мероснинг кўчмас мулк объектлари миллий рўйхатини тасдиқлаш тўғрисида”ги 846-сонли қарори билан маданий мерос объекти сифатида миллий рўйхатга киритилган.
Эслатиб ўтамиз, “Минг ўрик” музейи Яккасарой тумани “Моштабиб” кўчаси, 31-манзилда жойлашган бўлиб, унга якшанба кунидан ташқари ҳар куни соат 10:00 дан 18:00 гача ташриф буюришингиз мумкин.