Ахсикент археология паркида Манас номидаги Қирғиз давлат университети талабалари амалиёт ўташмоқда
2025-06-06 09:40:00 / Янгиликлар
Уч минг йиллик тарихдан сўзловчи қадим Ахсикент бугун минтақанинг илм-фан ва изланишлар қайнаган нуқтасига айланган. Ўтган уч ой давомида ушбу манзилга дунёнинг 20 давлатидан юзга яқин олим ва изланувчилар ташриф буюришди.
- 14 нафар талабамиз билан 10 кунлик амалиётимизни айнан Ахсикентда ўтказишимиз бежизга эмас. Дунёнинг донгдор археологларидан бўлган буюк устозимиз Абдулҳамид Анорбоевдан ўрганадиганларимиз кўп. Домлани тирик тарих деса бўлади, - дейди, қирғизистонлик машҳур археолог, профессор Кубат Табалдиев.
Талабалар орасида Миср, Эрон, Туркия фуқароларининг борлиги археоэкспедицияга, халқаро мақом бера олди. Қирғиз давлат университети талабалари Наманган давлат университети Археология факулътети профессор-олимлари билан елкама-елка ишлашмоқда.
Қурбон ҳайити муносабати билан Ахсикент археология паркида талабалар, қурувчилар ва археологлар учун юз кишилик байрам дастурхони ёзилди.