Пенсия жамғармасида коррупцияга қарши курашиш соҳасидаги топшириқлар ижросини таъминлаш бўйича долзарб вазифалар муҳокама қилинди
2025-03-12 11:25:00 / Жамғарма янгиликлари
Жорий йилнинг 11 март куни Пенсия жамғармасида Ўзбекистон Республикаси Бош прокуратураси, Пенсия жамғармаси ҳудудий бошқарма ва туман (шаҳар) бўлимлари ходимлари иштирокида Коррупцияга қарши курашиш борасида амалга оширилган ишлар юзасидан видеоселектор йиғилиши бўлиб ўтди.
Йиғилишда Президентимиз Шавкат Мирзиёев бошчилигида жорий йилнинг 5 март куни Коррупцияга қарши курашиш Миллий кенгаши йиғилишида берилган вазифалар ижросини ташкил этиш масалалари муҳокама қилинди.
Ўзбекистон Республикаси Бош прокуратураси бошқарма бошлиғи ўринбосари Ю.Эшов, бўлим прокурори Ф.Тўрақуловлар томонидан Пенсия жамғармасида коррупцияга қарши курашиш борасида амалга оширилган ишлар билан бир қаторда, келгусида ушбу йўналишда амалга оширилиши лозим бўлган устувор вазифалар таҳлил қилинди.
Жумладан, Коррупцияга қарши курашиш бўлими томонидан амалга оширилган ишлар ахбороти тингланди ва келгусида ушбу бўлимнинг маъсулиятини янада ошириш масаласига алоҳида тўхталиб ўтилди.