Вилоят раҳбари Янгиер шаҳрида бўлди
2025-02-05 14:00:00 / Янгиликлар
Айни кунларда Сирдарё вилояти ҳокими в.б. Эркинжон Турдимов туман ва шаҳарларда бўлиб, ҳудудларни ижтимоий-иқтисодий ривожлантириш борасида амалга оширилаётган ишлар билан танишмоқда. Ўрганишларнинг навбатдаги манзили Янгиер шаҳри бўлди.
Дастлаб вилоят раҳбари Шукрона маҳалласида жойлашган 3-сонли мактабгача таълим ташкилотида бўлди. Муассасада болажонлар uchun етарлича шарт-шароитлар яратилмаганлиги билдирилди.
Темур Малик маҳалласида маҳалла еттилиги фаолияти билан, Сирдарё эркин саноат зонасида эса Eco Wооd Plus корхонасидаги иш жараёни билан ҳам танишилди.
Шаҳар тиббиёт бирлашмаси ва "Мурувват интернат уйи"даги айрим ҳолатлар вилоят раҳбарининг ҳақли эътирозларига сабаб бўлди. Қатор мутассаддиларнинг лавозимига лойиқлиги масаласи кўриб чиқилиши белгиланди.
Барча ижтимоий соҳа объектларига ташриф давомида аниқланган муаммолар ечимига масъуллар бириктирилди. Аниқ муддати билан кўрсатмалар берилди.