Грипп: Касаллик кимларда оғир ўтиши мумкин?
2024-10-09 14:15:00 / Янгиликлар
Албатта, тикланиш муддати беморнинг касаллик бошланишидан аввалги иммунитети ҳолатига боғлиқ.
Шу боис Вазирлар Маҳкамасининг тегишли қарорига мувофиқ, юртимизда гриппни юқтириш ва унинг оғир асоратларини бошдан ўтказиш хавфи юқори бўлган ҳамда мавсумдан олдин эмланадиган шахслар контингенти тасдиқланган.
Ушбу гуруҳга қуйидагилар киритилган:
ҳомиладор аёллар;
6 ойликдан катта болалар ва нафас олиш органлари ҳамда юрак-қон томир тизимларининг маълум сурункали касалликларига чалинган катта ёшлилар;
60 ёшдан ошган шахслар;
6 ойликдан 59 ойликкача бўлган болалар;
тиббиёт ходимлари;
“Меҳрибонлик” уйлари, қариялар ва ногиронлар учун “Саховат” интернат уйлари, ногиронлар ҳамда ногирон болалар учун “Мурувват” интернат уйлари, болалар шаҳарчалари, болалар уйларида, шунингдек, жисмоний ёки руҳий ривожланишида нуқсони бўлган болалар учун ихтисослаштирилган таълим муассасаларида (мактаблар, мактаб-интернатларда) яшаётган шахслар.
Соғлиқни сақлаш вазирлиги
Матбуот хизмати.