O‘zbekiston Respublikasi Raqamli texnologiyalar vazirligi

Mazkur sessiya Forumning asosiy yo‘nalishlarini muhokama qilish, mamlakatlararo tajriba almashish, shuningdek, har bir davlatda amalga oshirilayotgan va rejalashtirilgan chora-tadbirlar bo‘yicha fikr almashish uchun muhim platforma sifatida xizmat qildi.

Davra suhbati savol-javob shaklida tashkil etilib, unda ishtirokchilar quyidagi asosiy yo‘nalishlar bo‘yicha o‘z fikr va mulohazalarini bildirdilar:

– Forumning bosh mavzusi — “2030-yilgacha besh yil: Barqaror kelajak uchun davlat xizmatlarini ko‘rsatishni tezlashtirish” bo‘yicha yondashuvlar;

– Davlat boshqaruvida raqamli transformatsiya, innovatsion yondashuvlar va inklyuziv xizmatlarni rivojlantirish tajribalari;

 – Har bir mamlakatda “Barqaror rivojlanish maqsadlari (BRM)”ga erishish yo‘lida ko‘rilayotgan hamda rejalashtirilgan strategiyalar va tashabbuslar.

Raqamli texnologiyalar vaziri Sherzod Shermatov ushbu sessiyada ishtirok etib, mamlakatda davlat xizmatlarini raqamlashtirish, boshqaruv tizimida ochiqlik va shaffoflikni ta’minlash, hamda fuqarolar ehtiyojlariga mos va tezkor xizmatlarni rivojlantirish borasida olib borilayotgan islohotlar haqida batafsil ma’lumot berdi. 

Shuningdek, O‘zbekistonning BRMga erishish yo‘lida amalga oshirayotgan tashabbuslari, xalqaro hamkorlikdagi tajriba almashuvi va innovatsion yondashuvlarning dolzarbligini ta’kidladi.

Sessiya davomida ishtirokchilar davlat xizmatlarining kelajakda qanday ko‘rinish kasb etishi, global muammolar yechimida davlat sektorining roli va hamkorlikning yangi shakllari haqida ham fikr almashdilar. Tadbir yakunida davlat boshqaruvi sohasida innovatsion, barqaror va inklyuziv yondashuvlarni yanada rivojlantirish zarurligi alohida qayd etildi.

Ushbu sessiya xalqaro miqyosda davlat boshqaruvini modernizatsiya qilish va fuqarolar uchun samarali xizmat ko‘rsatishni ta’minlash borasidagi sa’y-harakatlarni muvofiqlashtirishda muhim qadam bo‘ldi.