O‘zbekiston Respublikasi Raqamli texnologiyalar vazirligi

Tadbir raqamli va huquqiy ko‘nikmalarni mustahkamlash orqali ayollar tadbirkorligini qo‘llab-quvvatlashga, shuningdek, davlat idoralari, ekspertlar va biznes doiralari o‘rtasida ochiq muloqotni rivojlantirishga qaratildi.

Tadbirning asosiy maqsadi — ayollarni zamonaviy raqamli vositalardan samarali foydalanish va tadbirkorlik faoliyatini huquqiy jihatdan to‘g‘ri yo‘lga qo‘yishga ko‘maklashishdan iborat bo‘ldi.

Panel muhokamasi davomida ishtirokchilarga biznesni huquqiy jihatdan qo‘llab-quvvatlash, elektron davlat xizmatlaridan samarali foydalanish, moliyaviy boshqaruv hamda raqamli xavfsizlik bo‘yicha amaliy bilim va tavsiyalar taqdim etildi.

Tadbirda Adliya vazirligi, “Lerta legal” yuridik firmasi, “Elektron hukumat” markazi, IT ta’lim markazi va investitsiya hamda moliyaviy soha mutaxassislari ishtirok etdi. Tashkilotchilar tomonidan ta’kidlanganidek, bu kabi muloqotlar ayollarning iqtisodiy faolligini oshirishda muhim ahamiyat kasb etadi.

Tadbir doirasida “Lerta Legal” kompaniyasi tomonidan yetakchi ayol tadbirkorlarga mo‘ljallangan uch oylik bepul yuridik xizmatlarni o‘z ichiga olgan 3 ta sertifikat taqdim etildi.

Raqamli texnologiyalar vazirining birinchi o‘rinbosari Oleg Pekos ishtirok etdi.

“Ayollar o‘rtasida raqamli va huquqiy ko‘nikmalarni rivojlantirish — raqamli iqtisodiyotning barqaror va inklyuziv rivojlanishini ta’minlovchi asosiy omildir. Ishonchimiz komilki, texnologiyalar va huquqiy bilimlar ayollarga mustaqil qarorlar qabul qilish, o‘z biznesini boshlash hamda jamiyat hayotida faol ishtirok etish imkonini beradi. Shu bois, bu kabi tashabbuslarni tizimli qo‘llab-quvvatlash orqali texnologik rivojlanishga asoslangan ochiq ekotizim shakllantirilmoqda,” – dedi u o‘z nutqi davomida.

Shuningdek, Raqamli texnologiyalar vaziri maslahatchisi Kamola Sobirova quyidagi fikrlarni bildirdi:

“Ayollarni raqamli makonda ilgari surish nafaqat imkoniyat, balki barqaror taraqqiyot omilidir. Bugungi bilim – ertangi yechim, ayollarning raqamli va huquqiy salohiyatiga yo‘naltirilgan har bir sarmoya esa mamlakat kelajagiga investitsiyadir. Biz shunday muhit yaratmoqdamizki, u har bir ayolga xoh texnologiya, xoh tadbirkorlik, xoh davlat boshqaruvi sohasida o‘z salohiyatini to‘liq ro‘yobga chiqarish imkonini beradi.”

Tadbir yakunida ishtirokchilarga biznesni huquqiy himoya qilish, qonunchilik bilan tanishish, IT sohasida bilim olish, malakali yuridik xizmatlardan foydalanish va davlat xizmatlarini onlayn ko‘rinishda olish bo‘yicha quyidagi foydali manbalar tavsiya etildi:

 –  biznesombudsman.uz — tadbirkorlar huquqlarini himoya qilish bo‘yicha rasmiy portal;

–  lex.uz — O‘zbekiston Respublikasining amaldagi qonun va hujjatlari bilan tanishish uchun;

–  it-istedod.uz — raqamli ko‘nikmalar va IT ta’lim loyihalari haqida ma’lumot olish uchun;

–  lertalegal.uz — malakali yuristlardan yuridik yordam olish uchun;

–  my.gov.uz — davlat xizmatlaridan onlayn tarzda foydalanish imkoniyati.

Shuningdek, tadbir davomida taqdim etilgan prezentatsiyalarni quyidagi havola orqali yuklab olishingiz mumkin: http://bit.ly/444yDvZ

Tadbir yakunida ayollar uchun ochiq, qonunga asoslangan va texnologik jihatdan rivojlangan muhit yaratishga doir tashabbuslar milliy rivoj