O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi

XX asr oʻrtalaridan boshlab Oʻzbekistonda manulning 10 ga yaqin ishonchli kuzatuvlari qayd etilgan. Hatto chegara hududlarida ham juda kam uchraydi, bu esa uning mintaqadagi eng kam o'rganilgan sutemizuvchilardan biri ekanligini anglatadi. Manul yakka holda yashaydi va kamharakat. U, asosan, shom va tongda faol bo'ladi, yozda kunduzi ham faol bo'lishi mumkin.

Kalta oyoqlari va tanasi zich tuzilganligi tufayli manul tez yugura olmaydi. Shuning uchun o'z o'ljasiga yashirincha yaqinlashadi yoki chuqurlar yaqinida pistirma o'rnatish orqali ov qiladi. Manul, asosan, kichik kemiruvchilar bilan oziqlanadi.

Cheklovchi omillarga yuqori qor qoplami (20 sm dan ortiq), kemiruvchilar sonining o'zgarishi kiradi. Manulni ovlash qat'iyan man etiladi.

❗️Eslatib o‘tamiz, O‘zbekiston Qizil kitobiga kiritilgan o‘simlik va hayvon turlariga zarar yetkazish yoki yo‘q qilish qonuniy tartibda javobgarlikka sabab bo‘ladi.